Hum tumse thode
Juda se hogaye hain
Humare ghar bade
Aur dil chote hogaye hain
Dabbe mein aarmaan
Band se hogaye hain
Baatein, saans mein hi
Dab kar ghut gayi hain
Mere shabd mere panno mein
Aur tumhare tumhari khamoshi mein
Dono ki awaaz khali kamaron mein goonjti hai
Par ek dusre tak pahunchti nahin
Tumhare bina jeene ki aadat ho sakti hai
Par aisi aadat paalna kaun chahta hai
Waqt bitane keliye sahare toh khoj sakte hain
Par waqt gawana aise kaun chahata hai
Issliye main inn kamaron se nikal kar jaa rahi hoon
Tumhara intezaar kar rahi hoon
Uss maidan me jo sahi aur galat ke beech hai
Uss maidan mein jo mere aur tumhare beech hai
No comments:
Post a Comment